OS TEUS GUÍAS POR GALICIA

Álvaro Cunqueiro

Álvaro Cunqueiro

É un dos grandes escritores en lingua galega. O territorio galego é é fundamental para comprender a súa obra literaria e xornalística: por unha banda, a Terra de Miranda que ten a Mondoñedo como capital, de onde procede boa parte da súa inspiración literaria e, pola outra, viaxaremos a Vigo, onde coñeceremos a súa outra faceta da escrita profesional: o xornalismo.

Antonio Fraguas

Antonio Fraguas

Antonio Fraguas foi un dos máis destacados etnógrafos do século XX en Galicia. Promotor de institucións e incansable activista cultural, o seu interese pola historia e a etnografía levouno a percorrer en profundidade o rural galego. O noso roteiro percorre algúns dos espazos vitais e de estudo do investigador ao que se lle dedicou o Día das Letras Galegas 2019.

Castelao

Castelao

Castelao convertirase na gran figura política e identitaria da Galicia do século XX. Ilustrador, escritor, activista político e cultural, segue a ser unha das figuras máis coñecidas da Historia galega. As nosas viaxes propoñen percorrer o Barbanza, territorio da súa infancia, e Pontevedra, a cidade na que desenvolveu a súa madurez creativa e política antes da Guerra civil.

Eduardo Pondal

Eduardo Pondal

A poesía do gran bardo do Rexurdimento non se pode comprender sen o seu territorio da Costa da Morte e occidente da provincia da Coruña. As bravas paisaxes atlánticas non foron só obxecto de evocación, senón que converteu a propia e sonora toponimia destas comarcas nos heroes das súas composicións. Este longo roteiro é unha exploración da vida e obra de Pondal.

Lois Tobío

Lois Tobío

Este roteiro permite coñecer a vila de Viveiro baixo os ollos e a vida do diplomático e escritor Lois Tobío Fernández, unha das voces do galeguismo da República e do exilio, e articulador de significativos textos vinculados á historia da Galicia contemporánea.

Manuel Curros Enríquez

Manuel Curros Enríquez

Xornalista e poeta, Curros Enríquez foi unha das figuras máis destacadas da Galicia de aquén e alén mar. Compañeiro no rexurdir das letras galegas dos outros grandes poetas do século XIX, os nosos percorridos permiten coñecer os territorios ourensás que lle valeron de inspiración e un paseo urbano pola Coruña do Rexurdimento e o galeguismo.

Ramón Otero Pedrayo

Ramón Otero Pedrayo

O gran petrucio da cultura galega sempre estivo moi vinculado ás terras ourensás das que era ben coñecedor. Desde Ourense, Trasalba ou Compostela, Otero Pedrayo alimentou a súa paixón pola cultura de Galicia. Foi, sobre todo, un inesgotable polígrafo que se nutría do denso corpus cultural de Galicia. Este roteiro permítenos coñecer como influiu na súa extensa e diversa obra.

Rosalia de Castro

Rosalia de Castro

O noso roteiro explora o universo literario e biográfico ao redor da gran poeta de Galicia. Rosalía de Castro transitou entre Santiago de Compostela, a campiña da Amaía, Iria Flavia, Padrón e as ribeiras do Sar. Acompañados dos seus poemas, podemos coñecer como a autora teceu unha poesía no que paisaxe e vida se reúnen de xeito maxistral.

Uxío Novoneyra

Uxío Novoneyra

Dicir Uxío Novoneyra é dicir Caurel, a serra do oriente lugués que foi o territorio vital a partir do cal nutriu unha poesía orixinal, limpa e directa. O noso roteiro permite percorrer a serra a cabalo dos versos do poeta.