Ferrol: Teatro Jofre

Situado na Praza de Galicia, no barrio da Magdalena, o Teatro Jofre –chamado así en lembranza de Joaquín Jofre Maristany- foi inaugurado en 1892. A fachada de 1921 é obra de Rodolfo Ucha Piñeiro. Acolleu espectáculos de todo tipo e diversas reformas e constitúe un exemplo moi valioso da arquitectura teatral decimonónica. Ademais de albergar actos políticos, sociais e cívicos tamén se reivindicou desde este lugar paradigmático a figura e a obra do seu Fillo Predilecto, Ricardo Carvalho Calero.

"A minha afeiçom ao teatro, afeiçom que só esporadicamente pudem cultivar ao longo da minha vida, data dos meus anos infantis. Os meus pais, no pequeno Ferrol dos tempos da guerra europeia e o após-guerra inmediato, acudian sistematicamente ao teatro Jofre cando o seu cenário nos brindava algum espéctaculo. Alternando com séries cinematográficas que conseguiam grandes éxitos, como La máscara de los dientes blancos, ofreciam-se ao público actuaçons de companhias de teatro lírico, do que estaba em voga em Espanha.

Levavam-me quase sempre os meus pais com eles ao teatro, e primeiro sentado num joelho do meu progenitor, e logo ocupando umha butaca que me vinha mui ancha. Já moço, desde a minha humilde localidade de respaldo do Principal de Santiago, continuei vendo teatro, o mesmo que durante as minhas vacaçons em Ferrol ou as minhas primeiras excursons a Madrid".

“Sobre o seu teatro” en Letras galegas, 322 (A Coruña: AGAL), 1984. Tamén nos Cadernos da Escola Dramática Galega, nº 56 (1985).