Casa do Arco

Edificación do século XV, con modificacións recentes, que representa un dos escasos exemplos de vivenda gótica conservados en Galicia. Trátase dunha obra de cantaría con planta trapecial, construída por Dona Urraca Moscoso e Don Pedro Osorio. Destacan o arco oxival e o balcón sobre canzorros, na fachada sur, e os dous escudos baixo o arco. O acceso principal, situado na fachada oeste, realízase entre dúas monumentais chemineas. Na actualidade este espazo histórico está dedicado a restauración.

Aberto de Mércores a Luns de 13:00 a 16:00 e de 20:00 a 24:00 horas.