Vila Esteveri
Edificio singularAno de construción: 1928
Estilo arquitectónico: Casa
autóctona con elementos decorativos indianos, ecléctico
Características:
Trátase dun edificio
de dúas plantas e baixocuberta. A fachada principal responde ao canon clásico
de tres ocos por planta, xanelas abaixo e balcóns arriba. O volume da
baixocuberta está representado por unha bufarda que chega ao pano da fachada.
Destaca a entrada entre dúas pequenas pilastras de esquemática orde xónica, os voluminosos
linteis resaltados das xanelas do baixo, as balaustradas, a cornixa sostida por
abundantes ménsulas e o moi decorado fronte-frontón da bufarda. Todo se atopa dentro
do máis puro estilo ecléctico de corenta anos antes da construción. Nun lateral
da vivenda podemos subliñar a existencia dunha galería que achega dinamismo e
claridade ao interior das estancias.
Fontes:
Bores Gamundi, Fernando (coord.) (2000): Casas de indianos, Santiago de
Compostela, Secretaría Xeral para as Relacións coas Comunidades Galegas, Xunta de
Galicia.
Prieto Prieto, Verónica (2011): Ourol. A nosa historia, Ourol, Concello
de Ourol.
Prieto Prieto, Verónica (2015): Ourol. Anacos da nosa historia,
Ourol, Concello de Ourol.
